Lëtzebuerg huet zwar scho méi laang ee Centre universitaire, mee eng Universitéit, wou ee ganz Diplomer kann ofschléissen, eréischt säit 2003. Kee Wonner also, datt et fir vill Leit schonn ëmmer geheescht huet, datt een an d’Ausland studéiere goe muss !
Natierlech awer ass et och eng Erfarung fir d’Liewen, e puer Joer am Ausland ze liewen, eng aner Kultur z’entdecken, eng Friemsprooch ze perfektionéieren !
De CEDIES huet virun iwwer 30 Joer di éischt Kéier eng Foire proposéiert, wou ee konnt Offere vun Héichschoulen an Universitéiten entdecken, ouni musse selwer an d’Ausland ze fueren.
Esou eng europäesch/international Foire ass net nëmmen eemoleg op der Welt, et ass virun allem eng immens Chance fir all Visiteur vun der Foire ! Mat méi wéi 200 Stänn all Joer, huet een iwwer zwee Deeg d’Meiglechkeet, eng gutt Decisioun fir seng Zukunft ze huelen !
Di 31. Foire de l’Etudiant ass dëst Joer den 9. an 10. November 2017, an ass di zwee Deeg riicht duerch op vun 09 :30 bis 18 :00 Auer. Quasi all Joër gouf et och ee Fokus, an deen ass dëst Joer “go digital”.
Fir weider Informatiounen, kuckt ierch studentefoire.lu un, oder bestellt gratis de neie Guide du CIJ op cij.lu/commande !
(Extrait SLAM!18)
